Барыс-2008 Қазақстан чемпионатының үшінші турында жеңіске жетті

Қарағандыда «Ең мықтылар» (орыс. «Сильнейшие») тобында 2008 жылы туған жасөспірімдер арасында шайбалы хоккейден Қазақстан чемпионатының үшінші туры өтті.

Чемпионат марапаттары үшін күресті алты команда жалғастыруда. «Барыс-2008» жаттықтырушылары Рамазан Қайдаров пен Дмитрий Колодюктің жетекшілігімен команда соғылған және жіберіп алған шайбалардың 38-5 айырмашылығымен барлық кездесулерде жеңіске жетті.

Үш турдың қорытындысы бойынша біздің команданың активінде 45 ұпай жиналды. Сондықтан турнир кестесінде сенімді бірінші орында тұрмыз. Екінші орынды «Астана» (28 ұпай) иеленді, ал көшбасшылар үштігін «Торпедо» командасы (26 ұпай) тамамдап тұр.

«Барыс-2008» шабуылшылары Таир Бигаринов (7+3) және Ануар Ахметжанов (5+5) турнирдің ең нәтижелі ойыншыларының қатарына кірді.

Рамазан Қайдаров, «Барыс-2008» аға жаттықтырушысы

- Тур негізі тыныш өтті. Барлық командаларды айқын артықшылықпен жеңдік. Нөлге екі матч өткізілді, ойыншылардың өздері нәтижелі ойын көрсетті. Жалпы ойынды жақсарту үшін тактикалық схемаларды қолданып көрдік. Негізінен бәрі ойдағыдай шықты. Есеп бойынша жақын қарсыластардан әжептәуір алшақтыққа қол жеткіздік. Енді төртінші турға дайындаламыз.

«Барыс» ХК Бас серіктесі – «Самұрық-Қазына» ҰӘҚ» АҚ

«Барыс» ХК серіктесі – «Туризм және спорт индустриясын қолдау қоры» КҚ

Достарыңызбен бөлісіңіз